AMC-in Property Tax a khawnchhuah a\anga Ward No. 8 tana bungrua a lei chu tukin khan Mayor, Pu PC Lalhmingthanga’n Armed Veng South Community Hall-a inkhawmah Armed Veng South, Armed Veng leh Chite Local Council hruaitute hnenah a hlan.

0
228
views

 

He inkhawm hi Ward Committee member, Pu C. Chawngpara’n a kaihruai a, hetah hian Mayor, Pu PC Lalhmingthanga chuan sorkar kum kal meka AMC-in property Tax a khawn chhuah tawh chu cheng nuai 200 vel a tling tawh tin sawiin, ward tin tihhmasawn nan cheng nuai 10 \heuh pek a nih thu a sawi a ni. Mayor chuan AMC sum a tam nia ngai mi tam tak awm mahsela, AMC budget chu a lian lova, a awm ang angte dik tak leh daihzai takin hman a ni zawk niin a sawi a ni. Aizawl khawpuia parking chungchang sawiin, Pu PC Lalhmingthanga chuan tuna khawpui chhunga parking awmte chu an duhthusam a nih bik lo niin a sawi a, amaherawhchu, motor dahna tur hmun \ha a la awm loh avang chauhin hengte hi motor dah nan hman rih a ni a, tun dinhmunah Bawngkawnah Multi Level Parking cheng nuai 294 senna tur sak mek a nih thu leh Tuikual South-ah cheng nuai 494 senna tur sak mek niin a sawi bawk.

Property Tax a\anga bungraw lei an sem te hi chair, \hutthlengsei, generator, oxygen bur, computer printer leh dawhkan te a ni.