America mi Singapore a hnathawk \hin Mikhy Farrera Bronchez-a’n Singapore rama cheng AIDS vei mi 14,200 te mimal chanchin internet-ah a tichhuak.

0
354
views

Mikhy Farrera Bronchez hi kum 2008 a\ang khan Singapore-a cheng \an a, kum 2017 khan ruihhlo leh inbumna thubuaiah thiam loh a chan avangin lung inah tan tir a ni a, lung in a\anga a chhuah hnu hian Singapore chhuahsan tura tih a ni a, kar kalta khan Singapore mi 5,400 leh ram dang mi 8,800 AIDS veite ID number, phone number leh address \ahnem tak a thawpui \hin doctor pakhat hnen a\anga a neih chu internet-ah phochhuak a ni. Singapore Health Minister Gan Kim Yong chuan an hnuaia hnathawkin dan bawhchhia-a pawn lam mi hnena mimal chanchin a pe mai chu pawi an tih thu sawiin thupha a chawi a, Singapore-a AIDS veite tana hnathawk \hin pawl Action for AIDS te chuan he thil thleng hi dan bawhchhiatna a nih thu leh AIDS vei leh an chhungte nunah nghawr \ha lo tak siam thei anih vangin pawikhawihtu hi thiam loh chantira hremna na tak pek an phut a, Brochez hi a awmna chin hriat a nih loh avangin thuneitute chuan ram pawn lam a\anga puihna an zawng mek a ni.