America mipuite nunphung tikhaihlak khawpa Coronavirus a hluar zel avangin US President Donald Trump chuan national emergency a puang a, he hri leng hi chak taka dolet a nih theih nan sum \hahnem tak a ruahman bawk.

0
440
views

US-ah hian mi 41-in he hri leng hi an thihpui tawh a ni. President-in a thuneihna hmanga national emergeny a puan hmang hian, Federal Emergency Management Agency chuan state leh tualchhung sorkar te chu an mamawhna zawn zelah a \anpui zung zung thei dawn a ni.

Trump chuan state leh tualchhung sorkarin coronavirus chak taka a do let theih nan US dollar tluklehdingawn 50 hman phalna a pe tih a sawi a, Secretary of Health and Human Services Alex Azar chu doctor leh damdawi ina thawkten damlo an enkawlnaa rikrum thilah dan leh thupek kengkawh turin thuneihna a pe bawk a ni.

US-a emergengcy puan vang hian America-a thil la thleng ngai lo, infiamna a\ang musuem leh hnathawhna hmun thlengin khar vek a ni a, hetianga mipui an inkharkhip chuan hri leng \aidarh tur chu a nep thei deuh dawn a ni.