America rama ram dang mi luh khapna thupek thar US-in tichhuak

0
435
views

President, Donald Trump-a kaihhruai, US sorkar chuan nimin khan America rama ram dang mi luh khapna thupek thar a tichhuak leh a, tun hnaia nuclear bomb a en chhin avang leh Japan thlawh khuma missile vawi hnih a kah chhuah avanga dem hlawh tak, North Korea bakah, Venezuala leh Chad ram chu telh a ni a, President Trump-a chuan social media-ah America ram himna chu a thil ngaih pawimawh ber a nih thu leh, awmze nei taka enfiah theih loh, ram a\anga luh tumte chu dan zel an nih tur thu a sawi a, he khapna thupek hi thla leh ni 18 a\anga hman a ni dawn tih US sorkar thuchhuah chuan a sawi a ni. US sorkar thuneitute chuan thupek thar hi sakhuana thila inen hranna a ni lo tih sawiin, North Korea, Venezuala leh Chad ramte telh thar an nihna hian Muslim ram chauh a huam lo tih a tilang niin an sawi a, puan tawh angin, ni 90 chhung hman atana chhuah, US-a luh khapna thupek hmasa zawkah khan Muslim ram pasarih – Syria, Iran, Libya, Somalia, Yemen, Sudan leh Iraq bakah khawvel ram hrang hranga raltlante a huam a, Iraq leh Sudan chu telh ni tawh lo mah se, he thil avang hian US sorkar chuan dem a hlawh hle a ni.