An ram retheihna tlansan-a ram danga pem chhuah tumte avangin Venezuela ramin harsatna nasa tak a tawk leh thei dawn niin UN Migration agency in a sawi.

0
342
views

 

Venezuela ram sum leh pai dinhmun nasa taka a tlak chhiat avangin ram mipui tam tak \henawm ramah an pem chhuak a, Peru leh Equador ten an ramri khauh zawka venhimna tur dan an siam thar avangin Venezuela mipui, ram danga pem tumte hian harsatna an tawk thei dawna ngaih a ni. Venezuelah hian eitur, damdawi leh mihring khawsakna atana mamawh zual te pawh mipuiin an tla chham nasa a, kum 2014 a\anga tun thlengin mi maktaduai 2 chuangin an ram hi an tlan chhuahsan tawh a ni. |henawm ram ten ramri venhimna kawnga khauh zawka kal an tum tak avang leh hei
hi vawiin a\anga hman \an tur anih avangin mi sang tel tam takin Peru lam an pan a, tun dinhmunah Peru ah hian Venezuela a\anga tlan lut mi nuai 4 vel an awm tawh tih Peru Immigration Agency chuan a sawi. Tunhma lam chuan Venezuela mi te hian an Identity card pangngai ngen Peru hi an lut mai thei \hin a, dan thar hnuaiah hi chuan ramri kan turin passport pangngai an neih ngei a ngai tawh dawn a ni.