MNF President, Pu Zoramthanga’n an sorkar hmasak chhunga MNF sipai, martar chhungte laka an phu tawk an tihsak loh chungchangah ngaihdam a dil. He thu hi vawiina MNF |awi East Block Conference leh Hnam pasal\hate chawimawina inkhawm, Saitual Auditorium-a neih a hmanpuinaah a sawi a, Zoram malsawmna tam zawk dawng za turin Hnam Sipaite leh Martar chhungte chu haw khawm leh turin a sawm tih a sawi. Pu Zoramthanga chuan, Congress Party chu Hnam thinlung pute rap bet leh sawi nawmnah-ah puhin, Mizo Nationalism \han zel an hlau hle niin a sawi a, Martar-te thih chhan sawi nepin Martar-te chu ‘sarthi’-ah an chhuah nia sawiin, tun hnaia President Pu Ram Nath Kovin-a’n Mizoram a lo tlawh \um a, Mizoram remna chu khawvela remna hlawhtling ber tia a rawn sawi chu Congress party tan chuan zahna tling niin a sawi. MNF |awi East Block Conference hi an President, Pu C. Zalawra’n a kaihruai a, District Hqrs.-a Saitual puangtu, MNF chu a sorkar theih nan \an lak ni rawh se tih Resolution an pass a, he Block huam chhung – Saitual, Keifang leh a chhehvel khaw 6-a mi 243 hnenah chawimawina thuziak an hlan a ni.
