Andra Pradesh-a YS Jagan Mohan Reddy-a kaihhruai sorkar laka lungawi lohna lantir an tum avangin Chief Minister hlui Chandrababu Naidu, a fapa Nara Lokesh leh Telegu Desam Party hruaitu dang \henkhatte pawn chhuak thei lova an chenna in-a hren an ni.

0
606
views

Politics thila thu in chuh avangin TDP hian YS Jagan Mohan Reddy kaihhruai sorkar laka lungawi lohna lantir hi an tum a, Police te chuan Palnadu bialah mipui punkhawm an khap a ni. Chandrababu Naidu hian sorkar hmalak dan chu democracy rahbehna a ni a ti a, sorkar chu mipuite dikna leh chanvo bulthum rahbehsakah a puh a ni. TDP hruaitu dang man tawkte hi Devineni Avinash, Kesineni Nani leh Bhooma Akhilapriya te an ni.

Naidu-a’n car hmanga a chenna in a chhuahsan dawn laiin Police te hian Gate an lo dang a, darkar chanve chhung chief minister hi car chhungah hian a \hu a ni.

TDP hian rorellai YSR Congress Party chu an mi leh sa te vaubetah an puh a, TDP mi leh sa te pawh thah an nih bakah vauna tam tak an tawk niin an sawi.

Andra Pradesh Director General of Police D Gautam Sawang chuan Naidu hi buaina chhuak thei venthawn thilah hren a ni tih a sawi a, a chet danin dan leh thupek kenkawhnaah buaina a ti punlun thei a ni a ti.

YSR Congress Party in rorelna an chan hnu thla thum kalta chhung khan TDP chuan an party mi leh sa ten vau an tawk nasa hle niin an sawi a, YSR Congress Party thung chuan Naidu-a chu thu dik lo vawrhdarh-a buaina chawk chhuakah an puh let ve thung a ni.