|angrual Pawl, ZPM Chief Minister Candidate, Pu Lalduhoma’n Congress leh MNF-in tawktarha an hman NLUP leh SEDP chu Politics Aiawt mai niin a sawi.

0
374
views

Serchhip bial khaw hrang hrang tlawha zin Pu Lalduhoma hian nimin khan Buangpui khuaa vantlang inkhawmah thu sawiin, aiawta chakai man tumte chuan aiawt chhungah chakai duh zawng an dah \hin angin, NLUP leh SEDP hmanga sem Policy zuartute hian mipui vote an duh vangin hetiang hmanrua hi an zuar niin a sawi a, sem policy chu mipui tan a \hat ber loh avangin ZPM chuan mipuite an kutkawih hmang ngeia an dinchhuah theih nan leh an ke hmanga an kal theihna tur a ngaihtuahpui dawn niin a sawi.

Pu Lalduhoma chuan MNF leh Congress party chu an chhe ta duai tihna ni lovin, heng Party pahniha hruaitu ngaiten Mizoram an kaihhruai chhung chu kum 34 zet a ni tawh a, tun hi ram an kaihhruai thlen theih chin a nih rih avangin MNF emaw, Congress emaw ni lo kaihhruai sorkar siam a hun tawh hle nia sawiin hemi tihhlawhtling tur leh mipui sorkar siam turin |angrual Pawl hi din a lo ni ta niin a sawi bawk. He inkhawm hi ZPM Thenzawl Block Vice President, Pu H. Vanlallawma’n a kaihruai a. Serchhip District ZPM Vice Chairman, Pu Zakapa pawhin thu a sawi a ni.