|angrual Pawl, ZPM in vawiin khan Aizawl Treasury Square-a an pawl Pisa-ah ram tana chawnghei \awng\ai an \an.

0
284
views

 

Chawnghei \awng\ai hi tukin dar 7 a\ang khan an \an a, darkar tin mi hrang hrang kaihhruaina hnuaiah thupui \hen hrang hrang hmangin an \awng\ai a ni. ZPM Chairman, Pu Lalliansawta chuan, inthlanpui a hnaih tawh avangin mipuite chu chiai mai lova, ngaihtuahna fim tak hmang \heuh turin a chah a. Mizoram chu UT a nih a\angin kum 45 zet a liam tawh a, State pawh kum 30 zet a ni tawh chunga kawlphethaa intodelh a la ni lo a, inkalpawhna kawngpui pawh a \ha hman lova awmte chu a lungchhiatthlak hle a ni, a ti a. Ram rorelna siam \ha a kalphung thar sorkar siam turin Mizoram mipuite a sawm a ni.

ZPM senior Vice President, Pu F. Rodingliana pawhin, kalphung thara ram kaihruai turin kohhran leh politics kal kawp tir a \ul tih a sawi a, chuvangin politics-ah Pathian mi dah pawimawh a ngai a, hei hi Mizoramin chung lam malsawmna a dawnna tur a ni tih a sawi. Vawiina \ang\ai thupuiah hian ‘Zoram Politcs-ah Pathian Ram lo Thleng Rawh Se’ tih hman a ni a, hetah hian Salvation Army Territorial Headqurters-a CHAN Director, Major Liankunga, Faith Ministry Speaker, Nl. T. Lalhmachhuani, Koinonia Ministry Speaker, Pu Vanlalliana leh C. Lalrosanga’n ZPM Ticket-a ding turte chu an lu chunga kut nghatin Pathian Malsawmna an dil sak a ni.