|angrual Pawl, ZPM Steering Committee Chairman, Pu Lalliansawta’n District Council pathum tih loh bial danga bial viltu tur an ruat fel vek tawh a, District Council huam chhunga Assembly bial 5-ah pawh Pathianin rem a tih chuan bial viltu dah thuai tum a ni tih a sawi.

0
286
views

He thu hi vawiina an Party chhung inkhawmah sawiin, ZPM chhungkua chu an inpumkhatna a \ha a, Pathian leh mipui zarahkan sorkar ngei dawn nia sawiin, ZPM thlawptu leh duhsaktute chu bial viltuten tan tisa leh thlarau lam mamawh dil saka \awng\ai \hin turin a ngen a ni. Pu Lalliansawta chuan, rorelna \ha leh dik nei tur chuan dan siamtuten Pathian an \ih a pawimawh tih a sawi a, Fiji sorkar pawhin Pathian a hawisan avangin nasa takin an tuar a, Pathian \ih miin an kaihhruai hnuah malsawmna nasa tak an dawng leh niin a sawi.

Tun hnai khan BJP Mizoram Pradesh President-in telephone hmangin a bia a, Mizoramin inthlanpui a hmachhawn mai turah ZPM nen thawh ho an duh tih a hrilh nia sawiin, ZPM Steering Committee Chairman chuan, ZPM leh BJP hian Congress leh MNF hi sorkar tir chiah an ngai tawh lo ve ve niin a sawi. He inkhawm hi ZPM General Secetary, Pu Liankhuma Hrahsel-in a kaihhruai a, ZPM hian an candidate turte chu tun thla ni 24 hian puan an tum a ni.