Live Update| April 23 |Covid-19 chungchang thu thar lakkhawm

0
721
views

He live blog hi tihtâwp a nih tawh a, April 24 live blog en duh tan;
https://www.zonet.in/april24-liveblog/


April ni 23, 2020 tlai dar 5:00 thlenga Ministry of Health & Family Welfare-in Covid-19 case a chhinchhiah dan chu hetiang hi a ni;
Enkawl lâi – 16689 (punna – 830)
Enkawl dam tawh – 4324 (punna – 383)
Thi zât – 686 (punna – 34)
Hmun danga pêm/insawn – 1(punna hi April ni 22 tlai dar 5:00 thlenga chhinchhiah zat nen khaikhin a ni.)


11:50 PM
France-a Covid-19 vanga thi zat chu 21,856 a ni

11:34 PM
Chhatisgarh-ah Covid-19 kai mi 2 enkawl dam an ni

11:10 PM
Myanmar: Covid-19 case 127 a awm tawh a, test-na tur hmun siam belh zel a ni

10:59 PM
UK-ah Coronavirus vanga thi 18,738 an awm tawh a, test tam zawk tih tuma hma lak mek a ni

10:48 PM
Singapore PM-in India khua leh tui an rama tangkhang mekte tha taka an enkawl tur thu leh an ram mi anga an lo enkawl tur thu PM Modi a hrilh

10:36 PM
UP reports 61 new Covid-19 cases, tally mounts to 1,510

10:27 PM
Delhi chhim lama veng, pakhat, Mehrauli-a chawhmeh zuar pakhat test-ah a positive a, midang a tawh chin chhui mek an ni a, South Delhi Magistrate chuan thil zuara inpho thin te test vek an ni dawn tih a sawi

10:00 PM
Gujarat-ah sipai 3 test-ah an positive a, an lamhnai mi 28-te nen khunghran nghal an ni

9:51 PM
Mumbai khawpuiah case thar 478 a awm belh a, a vaiin 4232 a awm tawh

9:34 PM
Rajasthan-ah case thar 76 a awm belh a, a vaiin 1964 a awm tawh

9:32 PM
Changidarh: PGI Hospital-ah thla 6-a upa nausein Covid-19 a thih pui

9:19 PM
Maharashtra Housing Minister Jitendra Awhad chu Covid-19 test-ah a positive

9:08 PM
Delhi: Case thar 128 a awm belh a, a vaiin 2376 a awm tawh

8:57 PM
Haryana: Case thar 6 a awm belh a, a vaiin 270 a awm tawh

8:51 PM
Maharashtra: Case thar 778 a awm belh a, a vaiin 6427 a awm tawh

8:48 PM
Tripura CM, Biplab Kumar Deb-a’n an state chhunga Covid-19 kai pahnihte chu enkawl dam an nih tawh avangin an state chu Covid-19 awm lohna a ni tawh tih a sawi

8:35 PM
Gujarat: Case thar 217 a awm belh a, mi 9 an thih belh bawk

8:32 PM
Bhubaneshwar: Bhutan khua leh tui tangkhang 26 chu a bika ruahman sak thlawhna in phurh chhuah an ni

7:55 PM
IIT-Delhi Covid-19 kai leh kai lo hriat hran theihna a siam chu ICMR-in a pawm

7:39 PM
Oxford University, UK-ah Covid-19 hri venna, vaccine mihringah enchhin ṭan a ni

7:35 PM
South Korea atangin test kit nuai 5 chahna tur inremna ziah a ni: MEA

7:29 PM
China atangin medical bungrua phur thlawhna 20 beisei mek a ni: External Affairs

7:25 PM
Pune: Kum 41 mi a thi a, a vaiin thi 61 an awm tawh

7:21 PM
Madhya Pradesh: A vaiin Covid-19 case 1,687 a awm tawh

7:04 PM
Andaman-ah case thar 5 a awm belh a, enkawl lai 11 an awm mek

6:59 PM
Mumbai: Dharavi-ah case thar 24 a awm belh a, mi 1 a thi

6:47 PM
China atanga lakluh Test Kit ṭhat dan ICMR-in a endik mek

6:32 PM
Punjab: Positive thar 26 an awm belh a, a vaiin 283 an awm tawh

6:27 PM
Tamil Nadu-ah case thar 54 a awm belh a, a vaiin 1683 a awm tawh

6:05 PM
India rama case awm zawng zawng za zela 70 chu natna lang chhuak lo an ni: West Bengal sorkar

5:58 PM
Rampumah Darkar 24 chhungin case thar 1229 a awm belh a, mi 34 an thi: Health Ministry

5:30 PM
Karnataka: Case thar 28 a awm belh a, a vaiin 445 a awm tawh

5:25 PM
J&K: Case thar 20 a awm belh a, a vaiin 427 a awm tawh

5:18 PM
West Bengal-ah case thar 58 a awm belh a, a vaiin 334 a awm tawh

5:16 PM
Covid-19 case pun chak zawng a ziaawm ṭan: ICMR

5:02 PM
AIIMS Director Dr Randeep Guleria chuan Covid-19 kai leh kai nia rinhlelh mi tam takin khawtlang enhran an hlauh avanga in entir lo an tam niin a sawi

4:52 PM
Sorkar laipui inkaihhruaina siamah hotspot ni lo, urban area-a chhiar hmunah te electric dawr hawn phal a ni a, stationery dawr leh bawnghnute leh dal leh atta sawngbawlna hmunte hawn phal an ni: Home Ministry

4:23 PM
Rampumah Covid-19 kai enkawl dam 4257 an awm tawh: Health Ministry

4:18 PM
Rampumah district 12-ah ni 28 chhung case thar hmuh a ni tawh lo: Health Ministry

3:55 PM
Haryana sorkarin Covid-19 hrilêng kara hnathawk, media mi leh chanchinbumite tan cheng nuai 10 thleng insurance pek a tiam

3:52 PM
Delhi Lieutenant General-in police-te tan bik Covid-19 test-na hmun siam turin UT sorkar a hriattir

3:18 PM
IndiGo-in a hnathawkte hlawh a chhawk lailawk chu dah lêt leh a ni tih a sawi

2:38 PM
Sorkar laipui hnathawk leh pensioner-te tan Dearness Allowance/Dearness Relief belhna pek an ni dawn lo a, January ni 1 leh July ni 1 inkara DA/DR pek tura ruahman pawh pek an ni dawn lo tih sorkar laipuiin a sawi

2:14 PM
Confederation of Indian Industry, CII-in India sum dehchhuah za zelah 1.5 bakin a ṭhang thei dawn lo niin a sawi a, a chhe berah 0.9 velin a tlahniam zawk thei niin a sawi bawk

2:02 PM
Andhra Pradesh: Case thar 80 a awm a, mi 3 an thih belh

1:55 PM
Uttar Pradesh: Barabanki-ah cricket khel mi 20 vel man an ni a, an zingah hian tualchhung BJP hruaitute pawh an tel a ni

1:52 PM
Iran atangin India khua leh tui 225 phurh haw an ni a, Ladakh-ah khunghran mek an ni

1:03 PM
Australia-in Coronavirus hrilên tan dan chhui chiang turin WHO member-te a nawr. Puan tawh angin China chuan chhui chian ngai anga hrileng sawi awm chu behchhan awm lo leh US ramin a phuahchawp rinthu mai mai a nih thu a lo sawi tawh thin a, chhui chiang tura ngenna leh phutna reng reng a la hnawl zel a ni

12:59 PM
US: New York-ah zawhte pahnih test-ah an positive, US Center for Disease Control chuan ran vulh atanga Coronavirus darh leh darh loh hriat theih a la ni lo tih a sawi

12:34 PM
Congress hruaitu, Sonia Gandhi-in hnam inthliarna tihluarah BJP a puh

12:00 PM
Jharkhand-ah mi 4 enkawl dam an ni

10:46 AM
Sample nuai 5 chuang test tawh zingah 21797 a positive: ICMR (heng zingah hian mi pakhat test nawn pawh a tel a ni)

09:48 AM
Punjab sorkar-in China siam Rapid Test Kit zawng zawng ICMR-ah a kir dawn

09:20 AM
Health leh Medical lam hnathawkte kutthlak emaw, rikrap zawnga tibuai tute hrem theihna Epidemic Diseases (Amendment) Ordinance, 2020 chu President-in a pawm

09:11 AM
India: Coronavirus vanga thi zat 681 a tling tawh

08:45 AM
US-in a sum chhun a tihtawp ngaihtuah nawn se an duh tih WHO-in a sawi

08:34 AM
Coronavirus hrilêng hi US beihna a ni: President Donald Trump

08:26 AM
Kerala: A thlana thlan tlin hrim hrim hruaitu nihna nei zawng zawngin an hlawh za zelah 30-in an tihniam dawn