Archaeological Survey of India, Delhi, Guwahati Regional Office leh Mizoram Circle tangkawpin Champhai hmuna hmun hlui pawimawh 4, Lianpui, Dungtlang, Farkawn leh Lungphunlian ami te chu “Centrally Protected Monument” a puan tur a ni em tih an zirchiang.

Archaeological Survey of India, Delhi leh Guwaha Regional Office atanga mithiam thawk chhuakte hi Senior Archaeolgist Sunita Tevatia i’n a hova, Aizawl Circle atangin Superintending Archaeologist Dr Sujeet Nayan leh Champhai District Revenue-a Surveyor ten an tawiawm a ni. Dr Sujeet Nayan chuan Mizoram Chief Secretary Pu Lalnunmawia Chuaungo-in ASI Director General hnena “Centrally Protected Monument” atana puan anih theihna tura hma la tura a thlen bawhzuiin heng hmun hlui 4 te hi zir chian mek an nih thu a sawi a. Nimin khan Lianpui kawtchhuaha “Lungphun Ropui” tlawhin chhinchhiah ngaite an chhin chhiah fel a, vawiin khan Dungtlang khaw chunga hmun hlui zirchiang lehin naktuk lamah Fakawn rama Fartlangpui Lungphun an tlawh dawn bawk a ni.