Archbishop Thomas MacWan-a insawifiah turin EC-in ti

0
439
views

Gandhinagar bialtu Catholic puithiam, Archbishop Thomas MacWan-a chu a lehkhathawna a thil sawi avangin Election Commission-in insawifiah turin a ti a, Gandhinagar Bawrhsap-in Commission hian he hriattirna hi a pe a ni. Archbishop hian kar hmasa khan a bial chhunga rawngbawltu, an Pastor-te hnena lehkha a thawnah, India rama mipui rorelna lungphum chu tihderthawnin a awm mek nia sawiin, ram chhan nana \hahnem ngai taka \awng\ai turin puithiamte chu a hrilh a, hnam tlem zawk leh hnufual – OBC, SC, ST, Dalit, Muslim leh hnam leh ram chhunga sakhaw tenau zawkte chu an ngaihtuahawm ta hial niin a sawi. He lehkha hi rorel lai pawl, BJP vote lo tura inhriattirna anga ngaih a nih avangin thuneituten an ngaimawh a, Gandhinagar Bawrhsap, Satish Patel-a chuan, Election Commission duh dan angin Archbishop Thomas MacWan-a hi insawifiah tura hriattir a nih thu leh, puithiamte hnena a lehkhathawna a thuziah hi eng vanga ziak nge a nih, thuneitute hrilhfiah tura tih a nih thu a sawi. Bawrhsap chuan, inthlan dan, Representation of People Act leh Model code of conduct hnuaiah, sakhaw hruaituten mipuite rilru hruai thei zawnga thuchhuah emaw, hriattirna emaw an siam apiang chu Election Commission hian a bengkhawn hle tih a sawi a, MacWan-a insawi fiahna pawh hi Election Commission-ah thawn nghal a nih tur thu a sawi. Tun thla ni 21 khan Archbishop MacWan-a hian Kristiante chu hmun hrang hrangah \awng\ai inkhawm buatsaih turin a ngen a, Gujarat Assembly member atan ram danpui vawng himtute leh, inthliar hranna engmah awm lova mi zawng zawng huapzo leh zah thiam roreltute thlan an nih theih nana \hahnemngai turin a chah a ni. Archibishop hian a lehkha khaah hian mihring dikna leh chanvo palzut a nih thu te, ram danpui hnuaia mipuite chanvote pawh bawhchhiat a nih thu te, biak in leh Kohhrana hnathawktute, Kohhran mi rinawmte leh Kohhran hnuaia hmun pawimawhte pawh ni tin deuhthawh beih a nih thute pawh a lehkhaah chuan ziak a, \awng\ai hla, Holy Rosary pawh mimal, a huho, chhungkua leh pastor bialah te sawi tam a \ul thu a sawi bawk a ni.