Argentina-a Youth Olympics neih mekah Mizo tleirawl, kum 15 mi, Jeremy Larinnunga’n rit chawi intihsiak, weightlifting-ah gold medal a la a, hei hi India ramin Youth Olympics-a gold medal a dawn hmasak ber a ni.

0
428
views

 

Jeremy Lalrinnunga hian Men’s 62kg Category-ah a khel a, snatch-ah kg 124 a chawi a, clean and jerk-ah kg 150, a vaiin kg 274 a chawi a, amah hnaih bertu leh silver medal la tu Turkey mi, Toptas Caner chuan kg 263 a chawi ve thung a ni.

Jeremy Lalrinnunga hian lawm a hlawh hle a, a hlawhtlinna avang hian tun \um hi Youth Olympics-a India chet \hat ber \um a ni bawk a ni.

Jeremy Lalrinnunga hi tunhma lama boxer lo ni tawh, National level-a gold medal te pawh lo la tawh Lalneihtluanga fapa a ni a, Govt Complex, Aizawl-ah an khawsa a, kum 8 mi a nihin Mizoram Weightlifting Academy-ah kum 2011 khan a lut a, a tih \hat avangin Pune-a Army Boys School-ah Mizo naupang dang pahnih nen thawn an ni a, anni hian kum 2012 a\ang khan weightlifting-ah training neiin lehkha an zirtir bawk a ni. World Youth Weightlifting Championship-ah pawh Silver Medal pahnih a lo dawng tawh a, Commonwealth Youth Weightlifting Championship-ah pawh Gold Medal a lo dawng tawh bawk a ni.

Silai inkahsiak lamah pawh ram tan Tushar Mane leh Mehuli Ghosh-te chuan silver medal an la ve ve a, Manipur lam mi, Thangjam Tababi Devi pawhin judo-ah silver a la tawh bawk a ni. Youth Olympics 2018 hi kalpui mek a la ni a, India chuan infiammi 47 a tir chhuak a, hei hi \um khata Youth Olympics-a infiammi a tirh chhuah tam ber \um a la ni. Youth Olympics hi International Olympic Committee buatsaih a ni a, kum 2010 a\ang khan neih \an a ni a, nipui leh thlasik-ah a inkarthlakin neih \hin a ni a, infiammi kum 14 leh 18 inkar an inel \hin a ni.