Argentina tuihnuailawng, thla hmasa ni 15 atanga bo tawh chu la zawn chhunzawm zel a ni a, hima hmuh pawh beisei a ni tawh lo a ni. Argentina lawng sipai thupuangtu, Enrique Balbi chuan Atlantic tuipui chhim lama meter 1,000 vela thûkah thil eng emaw an hmuh thu leh, enfiah an tum mek thu a sawi a, puan tawh angin, he tuihnuailawng hi a chin hriat hnuhnun berah chuan, Atlantic tuifinriat chhim lamah a awm a ni. He tuihnuailawnga chuang, sipai 44 hi thi-a ngaih an ni tawh a, US Navy sipai bang, tui hnuai lam mi thiam, Bruce Rule chuan tuihnuailawng hi vawi leh khata chhe thut a nih an rin avangin, a chuangte hian na leh hrehawm pawh an tuar hman a rin loh thu a sawi a, tui hak emaw, thawchham emaw avanga thi an nih loh tur thu a sawi bawk.
Chanchin Thar Argentina tuihnuai lawng zawng chhunzawm, hima hmuh beisei tawh lo
