Army Medical Corps, Aizawl Military Station-in vawiin khan |huampui Helipad-ah Ex-Servicement Rally an buatsaih.

0
468
views

He Rally hi Lt. General, AK Mishra, tuna ICFAI University Vice Chancellor nimek chuan a hmanpui a, sipai chu mihring nun kaihruaitu \ha tak a ni tih sawiin, Mizo \halai zingah sipai inthununna \ha tak chu chhawm nun a nih theih nan hmalak ni thei se a duh thu a sawi a. Tun hnai mai Mizo mipuiten Chapchar Kut an hman zawh takah pawh khan sipai bangte tan Programme telh ni ve thei se, chu chuan a \ha lam zawng \halaite nun a kaihhruai theih a beisei thu a sawi a ni.

Army Medical Corps Aizawl Military Station Commander Colonel, PK Shukla pawhin, veteran leh ex-service te puih theihna an nei a nih a chuan Filed Hospital chu an mahni \anpui yturin eng lai pawhin a inpeih reng tih a sawi. Ex-Servicement Rally hi MLA hlui sipai bang pahnih, Lt. Colonel ZS Zuala leh Captain Hmingdailova Colney IPS (Rtd) bakah Colonel John Zama’n an hmanpui a, hetah hian sipai bang \hahnem tak an tel a, rally-ah hian sipai zinga pension hlawh leh thil danga harsatna tawkte chu a hmunah chinfel sak nghal an ni. He inkhawmah hian sipai an duty laia ram tana nun hlantu nupuite hnenah chawimawina thilpek hlan \heuh an ni bawk.