Art & Culture Minister, Pu R. Romawia’n Congress party chu India ramah inpumkhatna leh hmasawnna rualkhai a awm theih nana din niin a sawi.

0
272
views

He thu hi Aizawl North I bial huam chhunga Durtlang Leitan YMA Hall-a an party zawm thar lawmluhna inkhawmah sawiin, Pu R. Romawia chuan mi \henkhatin Congress sawichhiat nan vai pawl an ti \hin chu an hriatchian loh vang niin a sawi a, Indian National Congress Party chu kumpinu-in India a awp lai kum 1885-ah India hnam a din chhuah theih nana din a ni tih sawiin, ram mipui zawng zawngin zalenna an hmuh a, miretheite khai chhuak tur te, sakhaw zalenna leh intluk tlanna a awm theih nana he pawl hi din a ni a, an hruaitu hmasa Pu Nehru-a leh Mahatma Gandhi-te pawhin hemi atan hian nasa takin hma an la \hin nia sawiin, Congress Party chu zalenna sualchhuaktu ni satliah mai lovin, mipui intluk tlanna duhtu, sakhaw tin zalen taka an awm a, rualkhai zawka mipuiin hmasawnna an dawn theih nana hmalatu pawl a ni tih a sawi. Pu R. Romawia chuan hetiang bawk hian Mizorama an party hotute pawhin mipui ham\hatna an duh avangin Mizorama kum 20 chhung zet rambuai vanga mipui tawrhna thleng chu Pu Lal Thanhawla’n lal\hutthleng a ken avangin remna leh muanna tluantling a awm theih phah a, chu mai chauh ni lovin rambuai vanga in leh lo chante, eizawnna mumal nei lote khaichhuah nan Sorkar-in NLUP hmangin an bul\anna tur a ngaihtuah sak a, rangva inchung neite hnenah a pe bawk nia sawiin, hei hian Congress Party chu mirethei zawkte lam \ang a ni tih a tilang chiang hle niin a sawi. He inkhawm hi Leitan Local Council Chairman, Pu C. Lalrinmawia’n a kaihruai a, MPCC General Secretary, Pu Vanremsanga leh Pu C. Zahmuaka pawhin thu an sawi a, bialtu MLA Pu R. Romawia hian an party zawm thar mi 165 a lawmlut a ni.