Arunachal Pradesh-ah an state mi ni lo, mi \henkhat hnena Permanent Residential Certificate pek remti tura sorkar ruat Panel in a rawt avangin buaina nasa tak a chhuak a, mi pahnih kahhlum an ni a, sorkar laipuiin sipai 1,000 an thawnlut.

0
324
views

PRC dil te hi a a tam zawk Assam mi, Arununachal khua leh tui ni lo, Deori , Sonowal Kachari, Moran, Adivasi leh Mishing te bakah Vijaynagar-a Gorkha te an ni a, PRC an dilna hi rei tawh hle mahse, dodalna a nasat avangin an hlawhtling thei lo a. Nikum khan state sorkar chuan heng mite hi PRC pek an lo tiam tawh a, Joint High Power Committee report chu tun kar-a neih tur Assembly-a pharh tum a ni.

Mipuite chuan sorkar hmalakna hi duh lovin nasa takin lungawi lohna an lantir a, curfew puan a nih hnuah pawh mipui te chuan Itanagar International Film festival neihna tur stage te tichhiain, Deputy Chief Minister Chowna Mein chenna in an hal a, Itanagar Deputy Commissioner pisa an suasam bakah khawlaia lirtheite an hal nual bawk. Anmahni dan tumtu police chu lunga a vawmin mi 35 an hliam a ni. Pathianni chhun khan mipui pungkhawm chuan Chief Minister Pema Khandu chenna in luhchilh tumin an pan a, Police te chuan silai hmetpuakin mi pahnih an thi a, dan leh thupek kengkawh turin sorkar laipui chuan Pathianni tlai khan sipai 1,000 an thawn lut a ni.

Boruak sosang vang hian Chief Secretary Satya Gopal chuan Pathianni khan heng Arunachal khua leh tui ni lote hnena PRC pek chungchangah hian state sorkar chuan hma a lak loh tur thu a puang a, hemi hnuah pahw mipui thinrim hi an la che zui zel a, PRC chungchanga hmalak tumna chu a vaia tihtawp te, Khandu-a ban te an phut bakah lungawilohna lantir vanga man mi 40 rual vel chhuah tir te leh Chief Secretary sawn te an phut a, Arunachal-a Congress party te chuan rorellai BJP sorkar \hiat-a President’s rule puan an phut a ni.