Arunachal Pradesh-ah tuilian vanga tang mi 19 chhanchhuah an ni a, Assam-ah pawh mi 200 chuang thiarchhuah an ni bawk.

0
361
views

 

Thuneitute chuan China ramah ruah a sur nasat avangin Siang lui tui a lian \an tih an sawi a, Arunachal Pradesh leh Assam bakah, Meghalaya-ah pawh tui a lian \an tih an sawi bawk a ni. Siang hi Tibet a\anga in\an a ni a, Lohit leh Dibang lui a zawm hnuah, Brahmaputra lui a fin leh a ni. China chuan an rama he lui luanna hmunah hian tuikhuah lian tak a siam a, tunhnaia ruah sur nasa vangin tuikhuah hi a sah tih a sawi a ni. Arunachal Pradesh MLA Lombo Tayeng chuan Siang lui lian hian chhungkaw 1000 vel a nghawng tawh niin a sawi a, chenna in 15 chu luah theih loha a awm tawh thu leh chhanchhuah hna thawk turin hmun hrang hrangah lawng an dah tawh tih a sawi bawk a ni.