Arunachal Pradesh, West Bengal leh Uttar Pradesh-ah by-election nei

Arunachal Pradesh, West Bengal leh Uttar Pradesh-a Assembly bial \henkhatah by election neih a ni a, Arunachal Pradesh-ah chuan Pakke-Kessang leh Likabali assembly bialah inthlan a ni a, Likabali bial hi state, Health and Family Welfare Minister, Jomde Kena, kumin September ni 4-a a thih avanga ruak a ni a, Pakke-Kessang bial hi kum 2014 March thlaa he biala inthlannaa Kameng Dolo thlan tlin a nihna, Gauhati High Court-in a hnawl avanga ruak a ni. UP-a Sikandara Assembly bial chu a bialtu, BJP MLA, Mathura Prasad Pal, July ni 22-a a thih avanga ruak a ni a, West Bengal-a Sabang bial chu a luahtu, Congress MLA ni \hin, Manas Ranjan Bhunia chu Trinamool Congress ticket-a Rajya Sabha member atana thlan a nih avanga ruak a ni ve thung a, he bial hi TMC hruaitu hlun, tun hnaia BJP zawm ta, Mukul Roy-a dinhmun fiahna tur nia ngaih a ni a, he biala Trinamool Congress candidate chu a hmaa bialtu, Manas Ranjan Bhunia-a nupui, Gita Rani Bhunia a ni.