Asia khamualpui ram hrang hrangte inzawmkhawmna pawl din Dalai Lama’n duh

0
424
views

Manipur-a cham mek, Buddhist sakhaw hotu, Dalai Lama chuan India, Japan leh China ramte kaihhruaia Asia khawmualpui ram hrang hrang inzawmkhawmna pawl ding se a duh thu, nimin khan thuthar lakhawmtute zawhna chhangin a sawi a, European Union, African Union leh Malaysia Union te pawh a ngaihhlut thu leh, hetianga ram hrang hrang intelkhawm hi Asia khawmualpui tan pawh din ve chi nia a ngaih thu a sawi a ni. India hmarchhak biala hel pawlte leh buaina chhuak \hin chungchang pawh sawiin, hetiang harsatna hi khawvel hmun hrang hrangah a thlen ve mek thu leh, harsatna sut kian tuma tharum leh buaina chawh chhuah ai chuan, harsatna chu dawhtheihna nen, a thlenna tur hmuna thlen chu tih tur dik tak zawk a nih thu a sawi. PM hmasa ber, Jawaharlal Nehru nen pawh Tibet chungchang hi kum 1959 khan an lo sawi dun tawh tih sawiin Dalai Lama chuan, khatih lai pawh khan buaina ching fel turin China sorkar nena inbe turin thurawn a lo pe tawh niin a sawi a ni. Puan tawh angin, Dalai Lama hi Manipur sorkar mikhual a ni a, ven himna pawh uluk leh khauh takin an pe tih an state tlawh tura sawmtu, Assembly Speaker, Y Khemchand chuan a sawi a, Dalai Lama hnaiha kal tum reng reng chu uluk taka dap leh endik zel an nih thu a sawi bawk.