Asia khawmualpuia Air Force ralthuam leh hmanrua entirna lian ber, Aero India chu kum thar February hian Bengaluru-ah nghah a ni dawn tih sorkar laipuiin a puang fel ta.

0
626
views

 

Puan tawh angin Aero India hi state hrang hrangin thlen an inchuh nasa hle a, a huaihawttu tur Defence Ministry lamin Lucknow khawpuia Defence hmunpui siam mekah a nghat dawn nia thu a thang nasahman hle a, Uttar Pradesh CM Yogi Adityanath pawhin Lucknow-a nghat tur hian Defence Minister Nirmala Sitharaman pawh vawi eng emaw zat a be hman a, UP bakah, Gujarat, Rajasthan, Odisha leh Tamil Nadu-te pawhin Aero India hi thlen an dil ve bawk a ni. Aero India hi kum 1996 khan neih \an a ni a, Bengaluru-ah chauh hian nghah \hin a la ni a, tun \um pawh hian Karnataka CM HD Kumaraswamy chuan hmun danga nghah a nih lohna’n PM Narendra Modi a nawr nasa hle a ni.