Assam-ah COVID-19 kai hmuh chhuah thar mi 4 an awm a, an vai hian Delhi Nizamuddin-a mosolman inkhawm chhimtu zing ami an ni tih Assam Health Minister, Himanta Biswa Sarma-a’n vawiin chawhnu dar 2:00 khan Press Conference ah a puang.

0
376
views

Damlo te hi an vaiin Guwahati Medical College damdawiinah enkawl mek an ni a, kum 19, kum 46, kum 55 leh kum 60 mi an ni.

Heti hian Assam-ah COVID-19 positive case 5 a awm ta a, nimin lamah khan kum 65-a upa pa pakhat chu Silchar Medical College damdawiinah dah luh a lo ni tawh bawk a ni.

Hei bakah hian Jorhat Medical College-a test 5 zinga 4 pawh first screening-ah positive an ni a, en nawn leh turin Pune-a National Institute of Virology-ah sample thawn a ni tih a sawi bawk.

Assam sorkar hian Nizamuddin punkhawmnaa tel ve, an state mi a la zawng chhunzawm zel a, New Delhi-ah an state mi 4 COVID-19 vanga damdawiina enkawl lai an awm bawk a, anni 4 pawh hi Nizamuddin punkhawmnaa tel ve, Delhi-a la chambang an ni.