Assam-ah mihring tawlhrutu mi 2 man an ni a, hmeichhe 3 chhanchhuah an ni.

0
538
views

Heng mihring tawlhrutute pahnih te hi hmeichhia leh mipa, kum 29 mi Anima Ekka, Sivasagar district mi leh kum 25 mi Thaider Ekka, Tinsukia district mi te an ni a, Guwahati rel station-ah Railway Protection Force-a Quick Response Team te’n an man a, tawlhruk an tum, hmeichhe kum tling lo 3 te an chhanchhuak bawk a ni. Tinsukia district a mi, heng hmeichhiate hi cheng 5,000-a Delhi-a hralh an tum nia sawi a ni. Anima leh Thaider-a te hi Guwahati Railway Police te hnenah hlan an ni a, an lakah hian IPC section 370, 371, 372 leh 34 hnuaiah thubuai ziahluh a ni.

Kumin chhung hian mihring tawlhrutu 6 man an ni tawh a, nikum khan Railway Protection Force te hian mihring tawlhrutu 20 an lo man tawh a ni.