Assam, Barpeta Dist.-a damdawi inah nausen 10 an thi

0
318
views

Tun kar laihawl velah khan Assam, Barpeta Dist.-a damdawi in, Fakhruddin Ali Ahmed Medical College and Hospital -ah nau sen, ni khat leh ni li inkar mi 10 an thi a, Thawhlehni khan 5, a t<k, Nilaini khan 5 an thi nia hriat a ni. He Collge Principal leh Chief Superintendent, Dilip Kumar Dutta chuan an zinga 8 chu nau piang thihna kaihhnawih, boruak duh ang hip theih lohna leh thil dang vanga thi niin a sawi a, a dang pakhat chu pneumonia, a dang pakhat chu thi sa niin a sawi. Heng nau hringtu, nute zinga \henkhat chu nau an neih dawn lai hian an damlo sa a, theihtawpa enkawl an nih laiin an nau neih a lo hun ta bawk si a, hei hi nau piang \henkhat chuan an thih phah niin doctor-te chuan an sawi a, an thih nual avang hian thawktute hlauthawng chuan khum 20 awmna, nau piang hlim awmnaah 50 an dah hial a, a hnuah a \hen chu an ziaawm ta niin an sawi. State sorkara Medical Education Director, Anup Barman chuan Unicef leh NHM hotute hruaiin Barpeta hi a pan nghal a, mahse thil danglam lutuk leh inthlahdahna lam engmah a awm lo niin a sawi. State Health Ministerm Himanta Biswa Sarma chuan he damdawi inah hian thla tin, naute 60 vel an thi deuh ziah niin a sawi a, hmasawnna tur awma a hriat thu a sawi a ni. Damdawi in hotute chuan an damdawi inah hian ni tin, nau piang 20 vel an awm ziah niin an sawi bawk.