Tinsukia-ah khualzin phur van leh lungalhthei phur truck an insu a, van-a chuang mi 4 leh a khalhtu a hmunah an thi a, mi 8 an hliam a ni. He van khalhtu hi Bisu Das nia hriat a ni a, mitthite chu Jairam Sah, Jaleswar Giri leh Urmila Devi te an ni a, hliam te hi Margherita Civil Hospital-ah hruai an ni. Truck khalhtu hi a tlanbova, police ten an zawng mek a ni.
Hailakandi district-a Bhaicherra huam chhungah pawh lirthei mi 15 phur a chesual a, mi 3 a hmunah an thi nghal a ni. Mitthi te hi Habib Ali, Sabul Hussain leh Laldobi Mizo te nia hriat an ni a, hliam mi 12 zinga mi 3 te chu Silchar Medical College Hospital-ah enkawl mek an ni. He motor hi a tlanchak hle nia sawi a ni a, kawngpuia a leh hnuah kopangah a lum zui nia hriat a ni.
