Assembly inthlan lo awm turah Congress-in MLA 10 bak an neih Pu Zoramthanga’n ring lo

0
543
views

MNF President Pu Zoramthanga chuan kumin Assembly inthlanpui lo awm turah rorellai Congress party chuan MLA 10 bak an neih a rin loh thu a sawi.

Tawi West Block MNF Conference Thingsulthliah-a vawiina neih hmanpuiin he thu hi a sawi a, Pu Zoramthanga chuan, congress chu ram chhung state hrang hrang inthlanah mipuiin an hnawl zel niin a sawi a, a zik la awm chhun Mizoram Congress pawh kumin kumtawp lama Assembly inthlanpui neih turah mipuiin an hnawl dawn niin a sawi a, rampumah Punjab-ah chiah an sorkar tawh a rin thu a sawi. Pu Zoramthanga chuan, Mizoram leh hnam chhanna atana lu chhum ban chhum huama an nunna hial hlantute chu mithenkhawtin sawi hnawm thin mah se, an inpekna chu thangthar ten an la hre chhawm zel dawn niin a sawi bawk. Conference hi Tawi West Block MNF President Pu C. Lalramchhana’n a kaihruai a ni.