Assembly inthlanpui neih tura inpuahchahna kal zelah Prism Party-in vawiin khan Aizawl North I leh Aizawl East I huam chhung hmun thenkhatah Street Campaign an nei leh

0
215
views

Heng hmun hrang hranga thusawitu an pawl President, Pu Vanlalruata chuan, ram hruai tur tan eiruk hmang leh ruihhlova sumdawng \hinte hman loh ngam a tul tih a sawi a, tunah hian Assembly inthlanpui neih tur atan party hrang hrangin hma an la mek a, Prism party pawhin candidate tur mi 10 an puang tawh a. Party dangte pawh an candidate ni awm hming a darh mek a, chung zingah chuan eiruk hmang leh dik lo taka ruihhloa sumdawng \hinte pawh an tel nual nia sawiin, heng eiruk hmang leh ruihhlova sumdawng a, ram hmasawnna ti\huanawp \hintu leh mi tam tak nun tichhetute chu ram kaihhruai turin mawhphurhna an kuta dah ngam chi a ni lo tih a sawi. Pu Vanlalruata chuan, an party chuan eirukhmang leh ruihhloa sumdawng \hinte chu politics a\anga phumbo an tum tih sawiin, chung mite chu lalthutthlenga thuttir lovin lung in-a khung an ni zawk dawn niin a sawi a. Mizoram hi siam\ha a, Mizo hnam tungding turin Zoram mipui zawng zawng chu an vote hmanga \anla turin a sawm nghal a ni.

Vawiina Prism-in Street Campaign an neihnaah hian |halai President, Pu RL Liantluanga, Vice President, Pu H. Lalremsiama leh Secretary, Pu C. Laltanpuia pawhin thu an sawi a ni.