Assembly inthlanpui neih turah Prism party-in Kolasib bialah Pu Zidinsanga leh Tuirial bialah Pu B. Vanlalhruaia te an din tir dawn tih an puang.

0
218
views

Prism Party hian vawiin khan Kolasib leh Kawnpui khaw chhung hmun hrang hrangah Campaign Rally an neih chhunzawm a. Kolasib Diakkawna inkhawm tawi neihah Kolasib District Prism President, PRISM Party Nomination Committee member ni bawk Pu H. Zohmingthanga’n Kolasib Biala an party Ticketa-a ding turin Pu Zodinsanga, Aizawl Chanmari ruat a ni tih a puang a. Kawnpui Bazara inkhawmah Tuirial biala ding turin Pu B. Vanlalhruaia, Aizawl Chawnpui veng ruat a ni tih puan a ni bawk. Kolasib Biala Prism Ticket-a ding tura ruat Pu Zodinsanga chuan, Kolasib bial chu nasa tak a zirchian tawh thu sawiin, an bial hmasawnna tur atana thil \ul leh pawimawh hrang hrang chu a zir zo thawkhat tawhin niin a sawi a. Kolasib District chu Mizorama hmasawnna thlen theihna hmun remchang ber nia a hriat thu sawiin, thil tithei dinhmuna a din chuan chak zawka hmasawn tura \an a lak tur thu a sawi.

Tuirial biala ding tura puan Pu B. Vanlalhruaia pawhin, an bial chu ei leh bara intodelh theihna atana rampum huap pawha hmun \ha bik nei an nihna chu hman \angkai a tum dawn niin a sawi a. Hman a\angin hruaitu chak leh viak \ha nei se chuan haichhuah mai theih thil \ha tam tak a awm a, tunah chuan heng zawng zawng tihlawhtling tur hian bialtu MLA atan an thlan a hun tawh niin a sawi.