Assembly inthlanpui neihna state dang, Telangana-ah chuan state party, Telangana Rashtra Samithi (TRS) hruaitu Chandrashekhar Rao chu CM a ni chhunzawm dawn a, naktukah rinawmna thu tiam tira lakluh a ni ang.

TRS thupuangtute chuan Rao hi naktuk chawhnu lam dar 1:30-ah Hyderabad khawpuia Raj Bhavan-ah state larsap ESL Narasimhan chuan rinawmna thu tiam tirin lakluh a ni dawn tih an sawi a, a rual hian TRS MLA \henkhat chu Minister atana lakluh nghal an ni dawn bawk a ni. Puan tawh angin Telangana Assembly-ah hian Seat 119 a awm a, TRS hian seat 88 an la a, anmahni hnaih bertu Congress chuan seat 19 an la a, sorkar laipui kaihruaitu BJP chuan seat 1 chauh an la a ni.