Puan tawh angin McCain hi kum 81 mi niin thluak cancer vangin a thi a, US President Donald Trump sawiseltu langsar ber te zing ami a ni a, amah hi sipai-ah a \ang \hin a, Vietnam indo lai pawh khan indo thlawhna a khalh \hin a, a thlawhna hi kahthlak a ni nghe nghe a, a hliam te vangin sipai a\ang hian a bang a, politics-ah a lut ta a ni. McCain hian President nih tumin \um hnih a chuh ve tawh a, a chak zo lo ve ve nain, a hnathawh leh thiltih te avangin ngaihsan a hlawh thei hle a, a kuang zawntute zingah pawh hian US Secretary of Defense James Mattis bakah, Rear Admiral Thomas Lynch leh Admiral John Richardson te bakah, Vietnam-a McCain-a tanpui mi pahnih, Everett Alvarez Jr leh Jon Fer te an tel a ni.
