Heng thil fun rinhlelhawm tak dawngtute zingah hian US, British leh India embassy te pawh a tel a, Australian Federal Police te chuan thil funte hi uluk taka endik nghal a nih thu leh enge a nih tih leh tute thawn nge tih te uluk taka chhuizui nghal a nih thu an sawi. Australia chanchinbute tarlan danin thin fun rinhlelhawm tak hi embassy pakua aia tlem lovah thawn a ni a, police leh forensic lam mithiamte chuan an hna ngawrh takin an thawk nghal a ni. British High Commission thupuangtu chuan thil fun hi an dawng ngei tih a nemnghet a, Australia Police leh tualchhung thuneitute nen a \ul angin hma an la nghal tih a sawi.
Chanchin Thar Australia-a ramdang palaite chenna, Embassy hrang hrangah thil fun rinhlelhawm tak thawn...
