Australia-ah nasa taka tui a len avangin chenna in tam tak tuiin a chim a, mi za tel tam takin an chenna in an rauhsan a, kawtthlerah te pawh awle te hmuh tur an awm hial a ni.

An ram hmar chhak lama tuilian vanga harsatna tawkte chhanchhuak tur hian sipaite rawih an ni a, Australia Defence Force te hian lawngleng te nena \angin chhanchhuah hna hi an thawk a ni. Fur ruahtui tla hmasa avang hian Queensland chu a tuar nasa ber a ni a, tun anga tui len nasat hi an la tawng ngai lo tih tualchhung mi te chuan an sawi. Mi 1,100 chuangin hmanhmawh taka \anpui an ngaih thu Police te an hrilh a, Townsville khuaa cheng mi 400 vel te chuan an bulhnaia sipaite inkulhna Lavarak Military Barrack an bel a ni.