Australia Catholic Kohhran in naupangte laka hursualna lam hawia pawikhawina thleng thin chhui chiangtute rawtna a hnawl a, chhuichiangtute hian hursualna lam hawia pawikhawihna thleng chanchin confession-a puan chhuah te chu puithiam ten thuneitute hnenah hriattir thin se tiin a rawt a ni.

0
818
views

 

Kum 5 chhung chhuichiangtute hian Australia ah hian naupang sang telin hursualna lam hawia khawih chingpen an tawk tih an hmu chhuak a, heng zinga a tam ber chu Catholic kohhran chhunga thleng a ni a, Kohhran hruaitute chuan chhuichiangtute rawtna tam zawk an pawm laiin, puithiamte hmaa sualpuanna, confession-a sawi chhuah hetiang pawikhawihna reng reng thuneitute hnenah Puithiamten hrilh zel rawh se tia rawtna chu a hnawl a, hei hian sorkar leh kohhran inkar a ti khi leh ngei dawna hriat a ni. Australian Catholic Bishops Conference chuan puithiamte hmaa sualpuanna puanzar theiha siam chu rinna nena inkalh a nih avangin pawm theih a ni lo an ti a, puangzar kher lo pawhin naupangte himna tura hma an lak theih tur thu an sawi.

Hetihrual hian Kohhran hruaitute chuan chhui chiangtute rawtna te chu an bawhzui zel dawn tih sawiin, nupui nei lova in serh thianghlim chungchangah pawh kalphung thlahdul theih a ni em tih Vatican an rawn tur thu an sawi.