Australia Deputy PM Barnaby Joyce chuan a chungchang thu-a PM Malcolm Turnbull thusawi dan chu na takin a sawisel let. Turnbull hian nimin khan Joyce leh a staff hlui inngaihzawn thu chu mi zawng zawng barakhaih thil zahthlak a ni tih sawiin, Joyce hi a vaukhan a, hemi piah lamah PM hian minister te leh an hnuaia hnathawk, an staff ten mipat hmeichhiatna lam hawia inlaichinna an neih a khap tih a puang a ni. PM thusawi leh thil tih dan hi thil kawnghmang lo leh thil tul lo tak niin Joyce hian a sawi ve thung a, hei hian thil tha lo dang a hring thei a ni a ti ve thung. Joyce hian Turnbull nena an inkar chu siamthat a tum tur thu a sawi a, hetihrual hian ban erawh a tum loh thu a sawi thung. Joyce leh a media adviser hlui Vikki Campion te inngaihzawn thu hi a darh hnuah Australia Politics-a inhnialna siamtu lian ber a ni nghal a ni.
Chanchin Thar Australia Deputy PM-in a chungchang thu PM sawi na takin sawisel
