Tunhnaia a hnuaia thawk thin nen an inngaizawng tih sawi chhuah a nih vanga sawi hlawh tak, Australia Deputy PM, Barnaby Joyce chuan Deputy PM a nihna leh National Party hruaitu a nihna atangin a bang dawn tih a sawi. Puan tawh angin Joyce hi nupui nei lai a ni a, a Media Secretary hlui nen inkawpin, fa an pai mek bawk a ni. US-a thang mek, Australia PM, Malcolm Turnbull chuan Joyce thiltih dan chuan a thawn thu leh, thutlukna a siam sual nasa hle nia a hriat thu a sawi a, US-a a thang chhunga an ram lo enkawl tur pawhin a ruat duh lo a, hei vang hian Joyce pawh a lungawi lo hle a, Turnbull chu mi tangkai tlem tak ti hialin a sawi ve bawk a ni. National Party hian tun dinhmunah seat pakhat leka Parliament luahtu an ngah zawk vangin thuneihna an chang mek a, hei vang hian Joyce pawh hi a nihna te bansan mahse, MP a la nih chhunzawm zel rin a ni.
Chanchin Thar Australia Deupty PM bang dawn
