A zing thovin khawsik leh hrawkna a nei tih minister hian sawiin, Queensland Department of Health te a be pawp nghal a, test an nei chhunzawm nghal a, covid-19 a kai tih finfiah a ni.
Queensland damdawi lam hotuten dan an lo siam tawh angin coronavirus kai tih finfiah tawh phawt chu damdawiin a dah zel tur an nih angin an thurawn a zawm ve tih Peter Dutton hian a sawi.
Australia ah hian he natna vei hi mi 156 awm an awm tawh a, mi pathumin an thih pui tawh a, thuneitu te chuan nasa taka darh zel thei nia hriain an hlauthawng hle a ni.
