Australia-in thuneitute hnena dan lova kawl silai hlan tura ngenna zawm tha, silai chi hrang hrang 57,000 thehlut tawh

0
467
views

Australia in dan lova silai kawlte mahni thu-a thuneitute hnena hlan tura a ngenna bawhzuiin silai chi hrang hrang 57,000 ve zet nikum chhung khan thuneitute kutah thehluh a ni. Kum 1966-a inpawng kahna a thlen chiam hnuah Australia hian a duh apiangin dan lova an kawl silai te an thehluh theih hun hi a hawng a, thla thum chhung hun a hawn laia silai thehluttute chu thubuai siam sak an ni dawn lo tih a puang a ni. Hetianga sorkar hmalakna avang hian Australia chu a him sawt niin thuneitute chuan an sawi a, Law Enforcement Minister Angus Taylor chuan dan loa silai te khawm a nih hian, heng silaite misualte kuta lut palh thei a veng a, pawisawi lo mi tam tak tawrhna thleng thei a veng a ni a ti. Australia ah hian dan kalha silai kawl an tam avang leh firfiaka chetna thleng thei venna chikhat atan hetiang ruahmanna hi siam a ni a, dan hnuaiah chuan Australia ah hian dan phal loha silai kawl chu Australian Dollar 280,000 chawi theihna leh kum 14 lung in tan theihna a ni.