Australia Queensland-ah sangha chikhat, bluebottle jellyfish te tuipui kam lama an tleh chiam avang leh tuipui kam vela intihlim mipuite an zuk nasat avangin tuipui kama mipui punkhawmna hmunte khar a ni.

Surf Life Saving Queensland chhinchhiah danin hapta tawp lamah mai khan mi 2,600 zetin bluebottle in a zuk avangin damdawia inenkawlna an la a, bluebottle zuk hi mihring nunna atan hlauhawm lem lo mahse, a na viau thung. A tlangpuiin, thli na taka a tleh changin Jellyfish te hi tuipui kam lamah an inlar chiam \hin a, tuna tuipui kama mipui intihlim an zuk chiamna hmun hi Queensland-a tuipui kam hmun lun zual, Gold Coast leh Sunshine Coast bial velah a ni.