Ram kang \helh tur hian state pahnih a\angin kang\helh pawl an thawk chhuak a ni. New South Wales-ah pawh ram hectare 1,00,000 a kang a, chenna in tam tak a kang ral a, Quensland-a Sunshine Coast kang \helh turin kang\helh pawl mi 300 vel an thawk chhuak bawk.
Ram kang hi a darh zau zel a, Peregian tuipui kamah chengte chu hmun him lamah thiarchhuah an ni a, mi 400 chuangte hmun him lama insawn turin hriattir an ni bawk.
Quensland Acting Premier Jackie Trad chuan sik leh sa inthlak danglam chak vang leh khua a lum chhoh telh telh vangin kangmei a chhuak thei niin a sawi a, tropical state-a awmte fimkhur turin a chah a ni.
Ram kang hi Queensland chhim chhaka ramngaw a\anga in \an nia hriat a ni a, he ramngaw hi ruahtui dawng \ha ram a ni \hin a, amaherawhchu, tun hnaiah ruah a sur tlem vangin a ro hle a ni. Ram a kan lai hian thli darkar khata km 80-a naa a thawt vangin mei si per chuan Peregian tuipui kama ramngaw a kangkai a ni.
