|awi bial chhung khaw pahnih Seling leh Thingsulthliah khuaa BJP Campaign Office chu he biala ding tur Mizoram BJP President Prof. JV Hluna’n a hawng.

0
481
views

 

Prof. JV Hluna chuan BJP chu kristiante dodaltu angin Party \henkhatin sawi \hin mahse kum engemawzat kal tawha thil awm dan a zirchianna leh India ram dan leh Party chanchin a zirchianna a\angin a dikna a hmu lo tih a sawi a. Hindu ten sakhaw dang an ngaimawhna leh an laka chet an lakna chu eng party Sorkar hunah pawh a thleng vek a, Party malkhaia puhna awm \hin chu Politics tenawm tak niin a sawi a, Central-a Congress sorkar laiin Kristian-te tihduhdahna a nasa hle nia sawiin, hei hi Congress Sorkar tihah mipuiten an chhal ngai lo a, BJP in sakhaw zalenna a humhalh avangin hlauh tur a awm lo niin a sawi. Prof. JV Hluna chuan, thuneihna an chang a nih chuan Sorkar hmasain tihngaihna an hriat loh Seling tlangdunga sipai ram luah man dawng loten an dawn theih nan hma an la nghal dawn niin a sawi a. Ram hmasawnna hna thawh kawngah motor kawngpui 4 lane-a siam tur vawiin thlenga siam loha awmte an siam dawn nia sawiin Turial Hydro Electrict Project a\anga kawlphetha siamchhuah a\anga Mizoram chan tlemte chauh ni mek chu Sorkar laipui hotute remtihnaa siam\hat a ni dawn niin a sawi bawk.