Bahrain a\anga tlan chhia football khelthiam pakhat Thailand ramin hren chu chhuah tura ngenna nasa tak avangin Jail a\anga chhuahtir a ni.

0
624
views

Hakeem Al-Araibi hi Bahrain ram mi a ni a, kum 2014 khan an ram tlan chhiatsanin Australiaah a pem lut a, hetah hian raltlan anga humhimna pek a ni. Interpol te ngenna angin Thailand Police te chuan an rama a nupui nena chawlh a hman laiin nikum november thla khan an man a ni. Bahrain ah hian police station beih thuah Hakeem Al-Araibi hi thiam loh chantirin kum 10 tang tura tih a ni.

Kum 25 mi Hakeem Al Araibi hian amah puhna te hi a pha a, human rights lama thawktute chuan an ramah thawn kir anih chuan nghaisak a tawk dawn nia sawiin, thawnkir a nih lohna tur leh chhuah zalen anih theihna turin an beihpui a ni. Amah hi Bahrain ram inrelbawlna sawiseltu langsar tak a ni bawk. A chungchang thu hi football khel thiam mi lar te pawhin an ngaihven hle a, Didier Drogba leh Jamie Vardy te chuan chhuah anih theihna turin an beihpui a, Australia sorkar, Fifa leh International Olympic Committee te pawhin chhuah anih theihna tur hian Thailand sorkar an biaksak bawk a ni.

Thailand-a Attorney General Office chuan Hakeem Al Araibi hi Bahrain sorkar chuan thawn let turin a phut tawh lo tih sawiin, a chungchang thu chu tihtawp an rawt tih a sawi.