Bahrain mi football khelthiam, an ram tlan chhiatsan-a Australia-a raltlan chu Thailand ah man a nih hnuin court ah hruai a ni.

0
672
views

Hakeem Al Araibi hi Bahrain chuan an rama thawn haw turin a dil a, ani erawh chuan an ramah thawn haw anih chuan nasa taka nghaisak a tawk ngei dawn nia sawiin Bahrain-a thawn let lo turin Thailand court hi a ngen a ni.

Araibi hian kum 2014 khan Bahrain hi a tlan chhiatsan a, Australia ah raltlan anga awmin, Pascoe Vale club tan football a khel a, November thlaa honeymoon hmanga Thailand-a a kal chu Interpol kaltlanga Bahrain sorkar ngenna angin Thailand Police te hian an lo man a ni.

Australia football captain hlui Craig Foster chuan Araibi-a chhuah anih theihna tur hian nasa takin a bei a, vawiina court-a hruai anih lai pawh hian a awm ve a ni.

Thailand Police te hian Araibi-a hian Bahrainah pawi a khawih avangin thawn haw tur a ni tih Court ah hian an thlen a, Araibi hi Bahrain-a police station pakhat beih thuah thiam loh chantirin kum 10 lung in tang turin an ram court chuan a ti a, amah puhna hi Araibi hian a pha thung a, police station beih a nih lai hian ani chuan tv ah football a en niin a sawi.

A thubuai hi thla khat chhung vel ngaihtuah a nih a rin thu Thai attorney general office-a thawktu pakhat Chatchom Akapin chuan a sawi.