Bairabi North leh South Village Level Task Force-in zanin zanlai dar 12 a\anga April ni 5 zanlai dar 12 thleng Mizoram leh Assam inkalpawhna National Highway No. 154 chu mihring leh lirthei eng chi mah kaltlang theih lohva dan rih an tum tih an puang.

Bairabi North leh South Village Level Task Force hian vawiin khan Joint Meeting an nei a, tun hnaiah \henawm State Assam-a Karimganj Distric-ah Covid 19 hrik kai hmuh a nih tak avangin fimkhur zual a ngai nia an hriat thu an sawi a, National Highway No. 154 patlanga Assam lam a\anga nitin mamawh phur lo lut tur reng reng chu Bairabi Gate-ah lo dan rih a, din tir rih nise an ti a. Hei hi mipuite an him theih nana ruahmanna a ni tih an sawi a, Sorkar pawh an ruahmanna pawmpui ngei turin an duh tih an sawi.

Hetihlai hian vawiin khan Bairabi-a buhfai lo thleng chu Mizoram hmun hrang hranga pekchhuah turin Truk 65 a\anga 70 vel load a ni a. Buhfai Load hi Bairabi North Labour Assn.-in khawihin, nitin hnathawktu 100 a\anga 150 vel an thawk \hin a. Hnam dang awm sa 20 vel tih loh chu lo luh belh phal a ni tawh rih lo a ni.