Bairabi Zophai leh a zawmpui Inner Line Forest Reserve huam chhunga Mizoram leh Assam ram inchuh chinfelna tura hmalak nan Mizoram Chief Secretary, Pu Arvind Ray chuan tun thla ni 10, Inrinni khan Assam Additional Chief Secretary, Pu Alok Kumar-a hnenah lehkha a thawn. A lehkhathawnah hian Mizorama Kolasib District leh Assam-a Hailakandi District Bawrhsap te chu tun thla ni 15, Ningani aia tlai lova hmun remchanga inhmua, hemi chungchang sawi tur leh tuna boruak \ang awm tih daihna tura hmala turin a hrilh a ni. Hemi chungchanga ZONET zawhna chhangin Mizoram Home Secretary, Pu BK Gupta chuan he lehkha chhanna hi an la hmu lo niin a sawi a, Chief Secretary chuan Assam Chief Secretary a be pawp reng niin a sawi bawk.
