Indonesia rama Bali \umhmun, tlangkang avanga khar chu vawiin khan haw a ni leh ta a, Bali thliarkarah hian he tlangkang avanga mei vap a tam avangin \umhmun hi khar a ni. Tunah pawh hian he thliarkara boruak awm dan chu duhthusam a la ni lo hle a, mahse a hlauhawm zualpui chu a kiang tawhah ngaih a ni. Vawiinah khan Singapore Airlines chuan Singapore leh Bali inkara a thlawhna chu a thlawhnghal tur thu a sawi a, Australia rama Qantas Airways leh Jetstar erawh chuan nakt<kah, he \umhmun khar a nih avanga khualzin tangkhang 3,800 vel thiar chhuak turin an thlawhna te chu vawi 16 an thlawhtir tur thu an sawi. Vawiinah pawh khan he tlangkang chung zawnah hian mei khu var deuh leh ung deuhte a la awm a, President Joko Widodo chuan heng lai biala chengte chu fimkhur turin a chah leh a ni. Niminah khan Bali \umhmunah hian ram chhung leh ram dang pan tur leh \um tur, thlawhna 430 chu \hulh vek a ni a, he tlang kang, Mount Agung avang hian kum 1963-ah khan mi 1,000 an thi a, thingtlang khaw engemawzat a kang chhe vek a ni.
Chanchin Thar Bali tumhmun hawng leh
