Balochistan-ah China sorkarin sipai hmunpui siam a tum nia sawi pha

0
659
views

Pakistan ram, Balochistan province-a Jiwani-ah China sorkarin sipai hmunpui siam a tum nia sawi chu China chuan thu dik lo niin a sawi a, hei hi rin thu leh thu belh chian dawl lo niin a sawi. Jiwani hi Chabahar lawng chawlh hmun bul hnaia awm a ni a, he lawng chawlh hmun hi India, Iran leh Afghanistan-in an insiam \awm a ni a, Gwadar lawng chawlh hmun, China-in a siam nen pawh a inhlat lo a, Pakistan hian China hi helai hmuna sipai hmunpui siamtir a hnial lo nia sawi a ni. Global Times-in Washington Times thuchhuah a sawi chhawn danin, China hian hemi chungchangah hian Pakistan a dawr mek a, hemi chungchang an zawhna chhangin China Foreign ministry thupuangtu, Lu Kang chuan hemi chungchang hi a hre ve lo hrim hrim niin a sawi. America President, Donald Trump-a’n tun hnaiah Pakistan hi na taka a sawisel avangin, Pakistan hian a lungawi lohzia lantir nan China hi duhsakna lantir a hnial lo nia sawi a ni.