Nizan khan Tlabung Village Level Task Force-te chuan, Bangladesh-a Covid-19 kai nia hriat mi eng emaw zatin an sahimna zawngin Mizoram an pan tih thuthang an bawhzui a, Tlabung chhehvela Chakma khaw lian zual deuha an hruaitute pawh bepawpin, uluk lehzuala hemi chungchang lo ngaihven tur leh, beng lo chhi ngun lehzual turin an chah nghal a ni. Lamthai Khawtlang hruaitute chuan, hemi chungchang hian an beng a thlen tawh thu leh, thil \ul apiang bawhzui nghal thei tura inralring taka an awm thu an sawi a, anni bakah hian Tlabung chhehvela Chakma khaw thenkhat, ramri dep lehzual awmte pawh inralring lehzuala awm tura ngen nghal an ni.
Tlabung Village Level Task Force hruaitute chuan, an thu hriat chu finfiahna la awm chiah rih lo mah se, ramri-a inkalpawh theihna khan enin fimkhur a \ul zual a ni an ti.
