Bangladesh-ah thlawhna hruai kawi tumtu, kum 25 mi Mahadi kahhlum a ni.

0
427
views

Mahadi hian Dhaka a\anga Dubai pan Biman Airlines Flight BG147-a hnathawkte chu silai nena vauin Chittagongah a \umtir a, hetah hian venhim hna thawktutee chuan thlawhna hi luhchilhin Mahadi hi inpe turin an ti a, a inpek duh loh avangin an kap hliam a, a hnuah a hliam hi a thihpui a ni. Thlawhna-a chuang mi 134 te leh thlawhna hnathawk 14 te chu him taka chhuah an ni a, Airport manager, Wing Commander Sarwar-e-Jaman chuan Mahadi hi rilru lama buaina nei nia a lan thu a sawi a, a nupui nen harsatna a neih vangin prime minister Sheikh Hasina biak a duh vangin thlawhna hi hijack nia a insawi thu a sawi.

Mahadi hi endik a nih hnuah a silai ken chu a lem a ni tih leh thil puakthei engmah a pai loh thu hmuhchhuah a ni a, Dhaka-a Hazrat Shahjalal International Airport-a International Civil Aviation Organisation te ruahman, security chu silai lem nen hian engtinnge a kaltlang theih tih chhuichiang turin thuneitute chuan hma an la mek a ni.

Bangladeshah hian kum 2016 khan Islamic State te kuta mi 22 lai an thih hnuah Prime Minister Hasina kaihhruiana hnuaiah mifirfiakte khuahkhirhna lamah khauh taka hmalak zui a ni.