Bangladesh Cabinet in lirtheia mi chil hlumtute thi tura an chungthu rel theih dan tur a ngaihtuah dawn tih Law Ministry thupuangtu in a sawi.

0
569
views

Dhaka khawpuiah bus pakhat chak taka tlanin tleirawl pahnih a suthlum avangin ni 9 chhung chu mipui thinrimin lungawi lohna an lantir tawh a, school leh college zirlai sing tel in Bangladesh ramin dan a hman lai chu siam\hat an phut a, lungawi lohna lantirna avang hian Dhaka khawpui mi maktaduai 18 zet chenna-ah khawsak phung a khaihlak nasa hle a ni. July ni 29-a thil thlengah khan zirlai rual awm khawm lai chu mimal enkawl bus pakhat chak taka tlanin a chil a, pahnih an thih phah a ni. Law Ministry thupuangtu chuan dan siam\hat turah hian lirtheia mi su hlumtute chu a na thei ang ber hremna pek tum an ni ang tih a sawi a, tuna an dan hmanlai ah chuan lirthei khalhtu chu a rei berah kum 3 lung in tantir theih a ni. Lirtheia mi su hlumtute thi tura an chungthu rel theiha siam hi khawvela thil thleng ngai meuh lo a ni a, UK ah chuan kum 14 thleng lungin tan tir theih an ni a, India ah chuan kum 2 a ni thung. Inrinni zan khan lungawi lohna lantirtute hian Bangladesh-a US palai chuanna car pawh an bei a, US palai hi him mahse, lirthei pahnih chu tih chhiat a ni. Police ten mittui tlakna hlo hmanga mipui an hnawhdarhnaah lungawi lohna lantirtute zinga mi 50 chuang an hliam a ni.